Ihre Adoptantin schreibt:
Hallihallooo ihr Liebe und fliessige Bindli..

Han denkt i schicke eu wieder amol Bilder vo eusere Heramaus. Sie het sich echt super gmacht. Sie laht sich mengmol au vo fremde Lüüt schtreichle aber nur wensi bim Mami ka Schutz hole. Rückruef klappet vo Tag zu Tag immer besser. Sie haltet eus mega uf Trap, richtigi Sportskanone. Wenn sie will schmuse oder spiele denn lohtsi eus nüm schlofa. Dia Grüsch wo sie amel vo sich git, aifach köstlich. Was sie natürli au het, wia vieli Goldshätz vo d Carmen... Kleptomanie.

Aber es isch amel soooo lustig, de Blick wo sie ufsetzt wenn sie en Seich gmacht het. Was sie abgöttisch liebt, isch euseri Katz knuddle und spiele isch ä täglichi Beschäftigung. Aber sie isch so a tooli Maus, würd sie nie me here geh. Danke eu 1000mal für Alles, würd sofort wieder an Hund vo eu adoptiera.

Wünscha eu an schöna Tag und viiel Sunneshii..
Lg otilia mit Hera und de restliche Rasselbandi

Autor: Carmen Krauer